Paytaxtda oğurluq etməkdə şübhəli bilinən Sumqayıt şəhər sakini saxlanılıb. Sumqayıt24 bu haqda bu gün, 16 aprel tarixində Daxili İşlər Nazirliyinə istinadən xəbər verir.
Məlumata əsasən, Binəqədi qəsəbə sakini A.Cabbarova 43-cü Polis Bölməsinə müraciət edərək bildirib ki, onun çantasından 170 manat pul, şəxsiyyət vəsiqəsi və bank kartı oğurlanıb.
Keçirilən əməliyyat-axtarış tədbirləri nəticəsində əvvəllər məhkum olunmuş S. Manafov saxlanılıb. Bundan əlavə onun Binəqədi rayonu ərazisində marşrut avtobuslarında daha bir qadın və kişinin ciblərindən pul, bank kartları və sənəd olan pulqabılarını oğurlaması da müəyyən edilib.
