Sumqayıt sakini və onun tanışı qətlə yetiriliblər. Sumqayıt24 bu haqda Daxili İşlər Nazirliyinin saytına istinadən xəbər verir.
Hadisə bu gün, 18 fevral 00:30 radələrində, Bakının Təbriz küçəsində baş verib. Araşdırma zamanı qətlin təfərrüatları açıqlanıb. Belə ki, Sumqayıt sakini Şahin Bayramov və paytaxt sakini Fərid Alırzayev, qarşı tərəfdən isə Nurani Məmmədov və digər şəxslər arasında kəsici-deşici alətlərdən istifadə edilməklə münaqişə yaranıb.
Nəticədə Bayramov və Alırzayev ağır dərəcəli bədən xəsarətləri ilə xəstəxanaya çatdırılıblar və orada ölüblər.
Polis əməkdaşlarının keçirdikləri əməliyyat zamanı Nurani Məmmədov şübhəli şəxs qismində tutularaq istintaqa təhvil verilib. Hazırda zəruri istintaq-əməliyyat tədbirləri davam etdirilir.
