Paytaxtda yerləşən uşaq bağçalarından birindən oğurluq edən Sumqayıt sakini saxlanılıb. Bu haqda bu gün, 28 yanvar tarixində Bakuplus.az məlumat yayıb.
Məlumata əsasən, şəhər sakini Vaqif Səfərov 22 yanvar tarixində Bakının Binəqədi rayonunda yerləşən bağçaya daxil olaraq oradan 1000 manat nağd pul, 1 ədəd televizor, uşaq bağçası üçün nəzərdə tutulan müxtəlif növ məişət avadanlıqları və yeyinti məhsullarını oğurlayıb. O, oğurluğa Xaçmaz rayon sakini Elturan Vəlibəyovla birgə getmişdir.
Saxlanılan şəxslər ifadələrində paytaxtın digər rayonlarında da uşaq bağçalarından oğurluq etdiklərini etiraf ediblər.
