Sumqayıtda avtomobil qaçırılıb. Sumqayıt24 bu barədə 10 oktyabr tarixində Daxili İşlər Nazirliyinin mətbuat xidmətinə istinadən xəbər verir.
Hadisə dünən gecə saatlarında, 42-ci məhəllə ərazisində qeydə alınıb. Şəhər sakini E. Səmədov ona məxsus “Mercedes”-in oğurlanması ilə bağlı 1-ci Polis Bölməsinə müraciət edib.
Nəticədə şübhəli şəxs qismində Sumqayıt sakini Vüqar Məmmədov avtomobillə birgə saxlanılıb.
Araşdırma aparılır.
