Sumqayıt sakininə məxsus avtomobil qaçırılıb. Sumqayıt24 bu haqda Daxili İşlər Nazirliyinə istinadən xəbər verir.
Hadisə mayın 17-nə keçən gecə Biləcəri qəsəbəsi ərazisində baş verib. Y. Əliyevə məxsus “Hyundai” markalı avtomobil sexlərdən birinin həyətindən qaçırılıb. Bu barədə Binəqədi RPİ-nin 6-cı Polis Bölməsinə məlumat verilib.
Nəticədə nəqliyyat vasitəsi Yeni Gəncə qəsəbəsində Gəncə sakini S. Qafarov tərəfindən idarə edilərkən aşkar olunub. Araşdırmalar zamanı avtomobilin onun qardaşı, əvvəllər narkotik səbəbindən məhkum olunmuş N. Bayramov tərəfindən qaçırılması müəyyən olunub.
