Sumqayıt sakininin avtomobili paytaxtda qaçırılıb. Bu haqda bu gün, 2 iyun tarixində Sumqayıt24 Daxili İşlər Nazirliyinə istinadən xəbər verir.
Məluamata əsasən, Y. Əliyevə məxsus “Hyundai” markalı avtomobil təmir sexlərindən birinin həyətindən oğurlanıb. Biləcəri qəsəbəsi ərazisində baş vermiş hadisə ilə əlaqədar polis əməkdaşlarının keçirdikləri əməliyyat nəticəsində N. Bayramov saxlanılıb.
Araşdırma nətəcəsində məlum olub ki, Bayramov həmçinin bir avtomobildən 1000 manat dəyərində maqnitofon, monitor, 4 ədəd səsgücləndirici və akkumulyator, bir kafedən isə 3000 manat dəyərində səsgücləndirici və ərzaq məhsulları oğurlayıb.
