Sumqayıt sakinlərindən ibarət dəstə saxlanılıb. Sumqayıt24 bu haqda 17 iyul tarixində Daxili İşlər Nazirliyinə (DİN) istinadən xəbər verir.
Goranboy Rayon Polis Şöbəsinin əməkdaşları əməliyyat keçiriblər. Nəticədə yerli mobil operator şirkətinə məxsus ötürücü stansiyalardan oğurluq etməkdə şübhəli bilinən şəxslər tutulublar.
Araşdırmalar zamanı məlum olub ki, Sumqayıt sakinləri Vüqar Məmmədov, Rəşid Behbudov, Sahib Şirəliyev və Bakı sakini Nəsimi Qurbanov müxtəlif vaxtlarda işlədikləri şirkətin Tərtər, Daşkəsən, Yevlax və Goranboy rayonlarındakı ötürücü bazalarından ümumi dəyəri 30.000 manata yaxın enerji bloklarını oğurlayıblar. Onlar törətdikləri cinayət əməllərini etiraf edərək, sözügedən enerji bloklarını satdıqlarını bildiriblər.
Faktlarla bağlı cinayət işi başlanılıb, araşdırmalar davam edir.
