Sumqayıtda narkotik satışı ilə məşğul olan şəxslər saxlanılıblar. Bu haqda 28 iyul tarixində Sumqayıt24 Daxili İşlər Nazirliyinin (DİN) mətbuat xidmətinə istinadən məlumat verir.
Sumqayıt ŞPİ-nin əməkdaşları silsilə əməliyyat tədbirləri keçiriblər. Nəticədə əvvəllər məhkum olunmuş Rəvail Məmmədov, tanışı Fuad İsmaylov, Ramin İbrahimov, Xaliq Məmmədzadə, Corat qəsəbəsində narkotiklərin satışını təşkil edən Ceyhun Məmmədov və həyat yoldaşı Könül Babayeva saxlanılıblar.
Bu şəxslər ümumilikdə 16 kiloqram narkotik vasitə heroin, marixuana və psixotrop maddə metamfetamin aşkar edilib. Saxlanılanlar narkotik vasitələri sosial şəbəkələrdə tanımadıqları İran vətəndaşlarından onlayn yolla satmaq məqsədilə əldə etdiklərini bildiriblər.
