Sumqayıt polisi narkotikin qanunsuz dövriyyəsinə qarşı əməliyyat keçirib.
Sumqayit24.az Daxili İşlər Nazirliyinə (DİN) istinadən xəbər verir ki, tədbirlər zamanı keçmiş məhkum 38 yaşlı Kamil Məmmədov saxlanılıb. Ondan ümumilikdə 20 kiloqram, o cümlədən 12 kiloqram marixuana, 8 kiloqram tiryək və metamfetamin, eləcə də 200 ədəd psixotrop tərkibli metadon həbi götürülüb.
Bu şəxs narkotik vasitələri şəxsiyyəti istintaqla araşdırılan İran vətəndaşının vasitəsilə əldə edərək Bakı və Sumqayıt şəhərlərində ünvanlara yerləşdirərək satmağı planlaşdırıb.
Faktla bağlı cinayət işi başlanılıb. Saxlanılan şəxs barəsində məhkəmənin qərarı ilə həbs qətimkan tədbiri seçilib, araşdırmalar davam etdirilir.
