Yenilənib saat: 11:40
2003-cü il təvəllüdlü (kişi cinsli) şəxs 24.12.2024-cü il tarixində saat 02:30 radələrində Sumqayıt Tibb Mərkəzinin Təcili Yardım Xəstəxanasına hospitalizasiya olunub.
Bunu TƏBİB Sumqayit24.az-ın göndərdiyi sorğuya cavab olaraq bildirib. Qeyd olunub ki, qarın divarının, baldır və budun açıq yarası diaqnozu ilə daxil olmuş şəxsə zəruri tibbi yardım göstərilib. Hazırda Cərrahiyyə şöbəsində müalicəsi davam etdirilir, vəziyyəti orta ağırdır.
***
Yenilənib saat: 10:03
Daxili İşlər Nazirliyinin (DİN) Mətbuat Xidmətindən Sumqayit24.az-a bildirilib ki, Sumqayıt şəhərində 2003-cü il təvəllüdlü K.Məhərrəmova kəsici-deşici alətlə xəsarət yetirildiyi və xəstəxanaya yerləşdirildiyi barədə polisə məlumat daxil olub.
Polis əməkdaşları tərəfindən əməli törətməkdə şübhəli bilinən 2006-cı il təvəllüdlü E.Babayev müəyyən olunaraq saxlanılıb.
Araşdırma aparılır.
***
Saat 09:24
Sumqayıtda bıçaqlanma olub.
Sumqayit24.az xəbər verir ki, hadisə 1-ci məhəllə ərazisində qeydə alınıb. 21 yaşlı Kənan Ceyhun oğlu Məhərrəmov aralarında baş vermiş münaqişə zəminində tanımadığı şəxs tərəfindən bıçaqlanıb.
Yaralı dərhal xəstəxanaya çatdırılıb. Faktla bağlı araşdırma aparılır.
