Sumqayıt şəhərində qətl törədilib. Sumqayıt24 bu barədə 30 noyabr tarixində Daxili İşlər Nazirliyinin mətbuat xidmətinə istinadən xəbər verir.
Hadisə noyabrın 30-da saat 10:00 radələrində Bağlar sahəsində qeydə alınıb. 46 yaşlı Aydın Həsənovun bıçaq xəsarətlərindən ölməsi barədə polisə məlumat daxil olub.
Polis əməkdaşları tərəfindən A.Həsənovun Sumqayıt şəhər sakini, spirtli içki aludəçisi, 47 yaşlı Anastasiya Həmzəyeva tərəfindən qəsdən öldürməsinə dair əsaslı şübhələr müəyyən edilib. O saxlanılaraq istintaqa təhvil verilib.
