Sumqayıtda ağır yol-nəqliyyat hadisəsi baş verib.
Qafqazinfo.az -ın məlumatına görə, qəza “Nasosnu” adlanan ərazidə qeydə alınıb.
Nəqliyyat hadisəsi zamanı sürücü ağır xəsarət alıb.
Belə ki, hərəkətdə olan “Mercedes” markalı minik maşını idarəetmədən çıxaraq yol kənarındakı dəmir məhəccərə çırpılıb.
Nəticədə avtomobilin sürücüsü Sənan adlı şəxs ağır xəsarət alaraq Sumqayıt Təcili Tibbi Yardım Xəstəxanasına hospitalizasiya olunub.
Ona baldır sümüklərinin aşıq-baldır oynağı da daxil olmaqla sınığı diaqnozu təyin olunub və bir ayağı amputasiya olunub.
Faktla bağlı araşdırma aparılır.
