Sumqayıtda anbardan oğurluq edən şəhər sakinləri saxlanılıblar. Sumqayıt24 bu barədə 12 oktyabr tarixində Daxili İşlər Nazirliyinin Mətbuat xidmətinə istinadən xəbər verir.
“Beton zavod” adlanan ərazidə şirkətlərdən birinin anbarından 3 ədəd qaynaq aparatı, 2 ədəd taxtayonan dəzgah və digər texniki avadanlıqların oğurlanması barədə 4-cü Polis Bölməsinə müraciət daxil olub.
Əməkdaşlar əməliyyat tədbiri keçiriblər. Nəticədə oğurluğu törətməkdə şübhəli bilinən Sumqayıt şəhər sakinləri Fərid Hacıyev, Vüqar Ağayev və qardaşı Vahid müəyyən olunaraq saxlanılıblar.
Araşdırma aparılır.
