Səhər saatlarındakı bıçaqlanmada xəsarət alan şəxsin vəziyyəti məlum olub.
Sumqayit24.az-ın sorğusuna cavab olaraq TƏBİB-dən bildirilib ki, yanvarın 7-də saat 08:00 radələrində Sumqayıt Tibb Mərkəzinin Təcili Tibbi Yardım Xəstəxanasına 1985-ci il təvəllüdlü şəxs (kişi cinsli) hospitalizasiya olunub.
“Qarının sol yarısının divarının kəsilmiş, deşilmiş yarası diaqnozu təyin edilən şəxsə zəruri tibbi yardımlar göstərilib. Reanimasiya şöbəsinə yerləşdirilən şəxsin müalicəsi davam etdirilir, vəziyyəti orta ağırdır”, - qurumdan bildirilib.
***
Saat: 10:32
Daxili İşlər Nazirliyi (DİN) Sumqayıtda 40 yaşlı kişinin həmyaşıdı tərəfindən bıçaqlanması ilə bağlı açıqlama yayıb.
DİN-in Mətbuat Xidmətinin əməkdaşı polis leytenantı Lumu İsrəfilli bildirib ki, A.Hacıyevə kəsici alətlə xəsarət yetirilməsi barədə polisə məlumat daxil olub. Əməli törətməkdə şübhəli bilinən, onun həmyaşıdı M.Qədirov polis əməkdaşları tərəfindən saxlanılıb.
***
Saat: 09:15
Sumqayıtda tanışların mübahisəsi qanla nəticələnib.
Apa.az-ın məlumatına görə, hadisə Corat qəsəbəsində qeydə alınıb. Belə ki, 40 yaşlı Mövlan Ramiz oğlu Qədirov münaqişə zəminində həmyaşıdı Anar Hacıyevi bıçaqlayıb.
Yaralı dərhal xəstəxanaya çatdırılıb. Faktla bağlı araşdırma aparılır.
