Sumqayıt şəhəri 14-cü məhəllədə oğurluq hadisəsi baş verib. Sumqayıt24 bu haqda Xeberle.com-a istinadən xəbər verir.
Hadisə 13 may saat 17:00 radələrində qeydə alınıb. Naməlum şəxslər mənzildə heç kimin olmadığı zaman qapının qıfılını açaraq evə daxil olub. Onlar buradan qızıl-zinət, digər bəzək əşyaları və xeyli miqdarda pul oğurlayıb.
Polis əməkdaşları bildirib ki, həmin şəxslərin görüntüləri müşahidə kamerasında əks olunub və onlar tezliklə tapılacaq. Cinayətkarların kimliyi məlum olsa da, onların harada gizləndikləri hələlik məlum deyil.
