Sumqayıtda narkotik vasitələrinin dövriyyəsi ilə məşğul olan şəxslər saxlanılıb. Bu haqda bu gün, 31 yanvar tarixində Daxili İşlər Nazirliyinin İctimaiyyətlə əlaqələr şöbəsinin rəisi Elşad Hacıyev məlumat yayıb.
Şəhər ərazisində keçirilən əməliyyat nəticəsində əvvəllər məhkum olunmuş Vüqar Şıxalıyev saxlanılıb. Onun üzərində 750 qram heroin və 99 qramdan artıq metamfetamin aşkar edilib.
Daha bir əməliyyat nəticəsində şəhər sakini A.Rəcəbov saxlanılıb. Şəxsi axtarış zamanı ondan 360 qram marixuana aşkar olunub.
Aşkarlanan bütün narkotik vasitələr müsadirə edilib.
