Sumqayıtda “Mercedes” markalı avtomobil oğurlanıb. Sumqayıt24 bu barədə 20 avqust tarixində Avtosfer.az-a istinadən xəbər verir.
Hadisə bir neçə gün öncə baş verib. Keçirilən əməliyyat zamanı avtomobilin paytaxtın Heydər Əliyev prospekti ilə hərəkətdə olduğu məlum olub. Yol Patrul Xidməti alayının müşayiət eskort bölüyünün komandiri, polkovnik-leytenant Mübariz Həsənəliyev və baş serjant Raqif İsgəndərov dərhal həmin nəqliyyat vasitəsini saxlayıblar.
Avtomobili idarə edən sürücü Mir Hüseyn Kərimovun yanında qardaşı Mir Heydər də olub. Hər iki şəxs polis bölməsinə təhvil verilib. Araşdırmalar zamanı məlum olub ki, onlardan biri əvvəllər də oğurluq etdiyinə görə məsuliyyətə cəlb olunub.
Faktla bağlı araşdırma aparılır.
