Saat 16:15
Əldə etdiyimiz məlumata görə, polis əməkdaşları tərəfindən keçirilən tədbirlərlə əməli törətməkdə şübhəli bilinən yeniyetmə müəyyən edilərək saxlanılıb.
***
Sumqayıtda mağazada baş verən oğurluq hadisəsi təhlükəsizlik kamerası tərəfindən qeydə alınıb.
Sumqayit24.az-a daxil olan məlumata görə, hadisə Nəriman Nərimanov küçəsində, "Nizami" kinoteatrının yaxınlığında yerləşən mağazaların birində baş verib.
Redaksiyamıza təqdim olunan müşahidə kamerası görüntülərində yeniyetmə oğlanın mağazaya daxil olduğu, ətrafda heç kimin olmadığını görərək əməkdaşın pul qapından vəsaiti götürərək hadisə yerini tərk etdiyi görünür.
İddialara görə, həmin şəxsin ərazidə yerləşən başqa bir mağazada da analoji oğurluq etdiyi bildirilir. Lakin bu məlumat hələlik rəsmi şəkildə təsdiqini tapmayıb.
Faktla bağlı Daxili İşlər Nazirliyinə (DİN) sorğu ünvanlanıb. Qurumun cavabını aldıqdan sonra məlumat yenilənəcək.
