Sumqayıtda qadın bıçaqlanaraq öldürülüb. Bu haqda 20 fevral tarixində Sumqayıt24 Apa.az-a istinadən xəbər verir.
Hadisə ötən gün, 6-ci mikrorayonda yerləşən evdə baş verib. 28 yaşlı Samirə Məmmədzadənin kəsici-deşici alətlə öldürülməsi barədə polisə məlumat daxil olub.
İlkin araşdırma zamanı zərərçəkmişin əri, 41 yaşlı Taleh Əhmədov tərəfindən öldürülməsinə dair əsaslı şübhələr müəyyən edilib. T. Əhmədov könüllü olaraq istintaqa təslim olub.
Faktla bağlı Cinayət Məcəlləsinin “qəsdən adam öldürmə” maddəsi ilə cinayət işi başlanıb.
İbtidai istintaq davam etdirilir.
