Sumqayıtda qadına ağır xəsarətlər yetirilib.
Qafqazinfo.az-ın məlumatına görə, hadisə yanvarın 5-i saat 21 radələrində Xəzər bağlarında baş verib. Belə ki, Dalğa küçəsində yaşayan Mikayıl Şərifov qonşuluqda yaşayan Mehparə Ələkbərova ilə mübahisə edib.
Nəticədə M.Şərifov əlində olan dəmir alətlə (kərki) qadının baş nahiyəsindən bir neçə zərbə vuraraq ona qapalı kəllə-beyin travması və digər ağır dərəcəli bədən xəsarətləri yetirib. M.Ələkbərova ağır vəziyyətdə xəstəxanaya çatdırılıb.
M.Şərifov saxlanılıb. Faktla bağlı Sumqayıt şəhər Polis İdarəsində Cinayət Məcəlləsinin 126.1-ci (Qəsdən sağlamlığa ağır zərbə vurma) maddəsi ilə cinayət işi başlanılaraq istintaq aparılır.
