Sumqayıtda dələduz saxlanılıb. Sumqayıt24 bu haqda 8 may tarixində Daxili İşlər Nazirliyinə (DİN) istinadən xəbər verir.
5-ci Polis Bölməsinin əməkdaşları tərəfindən tutulan 35 yaşlı Elşad Nağıyev özünü qazi kimi qələmə verərək dələduzluq etməkdə şübhəli bilinir.
O, Sumqayıtda yaşayan iki Vətən müharibəsi qazisinə dövlətdən növbəsiz avtomobil almaqda köməklik göstərəcəyi vədi verib. Bununla da zərərçəkənlərdən müxtəlif məbləğlərdə pul vəsaitini ələ keçirib.
Araşdırma zamanı saxlanılan şəxsin Vətən müharibəsi iştirakçısı və ya qazisi olmadığı məlum olub. Onun barəsində araşdırmalar davam etdirilir.
Nağıyevin əməllərindən zərər çəkən başqa şəxslər varsa, bu barədə polis orqanlarına müraciət edə bilərlər.
