Şirkət avtomobilinə basqın edərək külli miqdarda pul aparan daha bir nəfər saxlanılıb.
Qafqazinfo.az-ın məlumatına görə, dekabrın 16-da Sumqayıtda quldurluğa məruz qalmış avtomobil “Linkoil” MMC-yə məxsus olub.
Şirkət əməkdaşı Şahin Şirinovun idarə etdiyi “Chevrolet” markalı avtomobildən 127.298 manat pulu açıq talama yolu ilə aparan qrupun digər üzvü, 43 yaşlı Sumqayıt sakini Namiq Pirməmmədov keçirilən əməliyyatla polis əməkdaşları tərəfindən saxlanılıb.
Onun əvvəllər Cinayət Məcəlləsinin 127, 128 və 221-ci maddələrinə əsasən məhkum olunması da məlum olub.
Qeyd edək ki, daha əvvəl quldurluqda iştirak etmiş 38 yaşlı Ruhid Fərəcov və 36 yaşlı Samir Qasımov da tutulublar.
