Sumqayıtda avtomobil sürücüsü sakini hədələyib. Bu haqda 13 avqust tarixində Sumqayıt24 Oxu.az-a istinadən məlumat verir.
Hadisə məhəllələrin birində qeydə alınıb. Şəhər sakini içkili vəziyyətdə sükan arxasında oturan sürücüyə avtomobili sürətlə idarə etdiyinə görə irad bildirib. Nəticədə sonuncu piyadaya bıçaqla hədə-qorxu gəlib.
Vətəndaş bununla bağlı sosial şəbəkədə paylaşım edib:
"Bir nəfər yaşadığımız məhəllədə içkili vəziyyətdə, özü də sürətli maşın idarə edirdi. Maşını dayandırdım və xahiş etdim ki, asta sürsün, məhəllədə uşaq, ailə piyada gəzir, belə sürmək olmaz. Mənimlə söz güləşdirdi. "Niyə içkili maşın idarə edirsən?" deyəndə təhqiramiz söz işlətdi. Acıqla maşını arxaya verib, yenidən sürətli gəldi, bu dəfə də etiraz edəndə üstümə bıçaq çıxardı".
Daxili İşlər Nazirliyindən (DİN) məsələnin araşdırıldığı bildirilib:
"Nəticə barədə məlumat veriləcək".
