Sumqayıtda sürücü hədələnərək qarət olunub. Sumqayıt24 bu haqda bu gün, 23 aprel tarixində APA-ya istinadən xəbər verir.
Hadisə 21 aprel tarixində 18-ci məhəllə ərazisində baş verib. Belə ki, şəhər sakini A. Kərimovun idarə etdiyi “Tofaş” markalı avtomobilə sərnişin qismində əyləşmiş 2 nəfər onun 15 manat pulunu və poverbankını alıb, ondan 150 manat pul tələb ediblər.
Polis əməkdaşlarının keçirdikləri əməliyyat nəticəsində soyğunçuluğu törətməkdə şübhəli bilinən Sumqayıt sakini Ümid Fərziyev saxlanılıb.
Faktla bağlı araşdırma aparılır.
