Sumqayıtda taksi sürücüsü toydan çıxan sərxoş kişi tərəfindən döyülüb.
Teleqraf.az-ın məlumatına görə, hadisə "Yeni Həyat" şadlıq sarayının qarşısında baş verib. Belə ki, Sadiq Turabov taksi sürücüsünə onu Sahil qəsəbəsinə aparmasını istəyib. Lakin müştərinin sərxoş olduğunu görən taksiçi Məmməd Qurbanov (ad-soyadlar şərtidir) imtina edib.
Bundan sonra Sadiq 28 yaşlı Məmmədə yumruq zərbəsi endirib və burnunu sındırıb.
İş üzrə materiallar Sumqayıt Şəhər Prokurorluğuna göndərilib.
