Sumqayıtda ticarət mərkəzi sahibinin evi qarət edilib. Bu haqda 24 may tarixində Sumqayıt24 Qaynarinfo-ya istinadən xəbər verir.
39 yaşlı Yeganə "tap.az” saytı vasitəsilə tanış olduğu "Ruhiyyə” Ticarət Mərkəzinin sahibi Ruhiyyənin evində xadimə işləyib. O, Ruhiyyənin xəstə anasına baxıb və ev işlərini görüb.
Yeganə Ruhiyyənin anasını "Medical Plaza” xəstəxanasına yerləşdirən zaman oğurluq hadisəsini törədib. O, ümumilikdə 33 çeşiddə qızıl-zinət əşyaları və 29.400 ABŞ dollarını oğurlayaraq, zərəçəkmişə ümumilikdə 52.782 manat ziyan vurub. Hadisənin üstü isə xəstəxanaya 10 min manat pul köçürülməsi lazım olduğu zaman açılıb.
Məhkəmənin qərarı ilə Yeganə 5 il müddətinə azadlıqdan məhrum olunma cəzasına məhkum edilib.
