Tanınmış plastik cərrah Türkan Gündüzün qətli ilə bağlı ibtidai istintaq tamamlanıb. Sumqayıt24 bu haqda 29 noyabr tarixində Sonxeber.az-a istinadən xəbər verir.
Cinayət işi üzrə toplanmış materiallar baxılması üçün Sumqayıt Ağır Cinayətlər Məhkəməsinə göndərilib. İş hakim Fəhmin Hümbətovun sədrliyi ilə araşdırılacaq. Məhkəmənin hazırlıq iclası dekabrın 21-nə təyin edilib.
Hadisə mayın 7-də Novxanı qəsəbəsində baş verib. Abşeron rayon prokurorluğuna 41 yaşlı Türkan Gündüzün ölməsinə dair məlumat verilib. Araşdırmalar aparılıb. 56 yaşlı Türkiyə vətəndaşı Muhammet Gündüzün mübahisə zamanı arvadı Türkanı bıçaqlayaraq qəsdən öldürməsinə əsaslı şübhələr müəyyən edilib.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Muhammet Gündüz şübhəli qismində tutulub.
Qeyd edək ki, Türkan Gündüz məşhur həkim olub. O, klinikaların birində plastik cərrah kimi çalışıb.
