Sumqayıt şəhərində 22 yaşlı gənc qətlə yetirilib. Bu barədə 27 avqust tarixində Baş Prokurorluğa istinadən xəbər veririk.
Bu gün saat 13:00 radələrində şəhər ərazisində 22 yaşlı Pərvin Dadaşovun öldürülməsi barədə şəhər prokurorluğuna məlumat daxil olub. Araşdırma zamanı məlum olub ki, zərərçəkmiş və onun tanışı, 22 yaşlı Səftər Bünyətov arasında şəxsi münasibətlər zəminində mübahisə yaranıb. Nəticədə sonuncunun P.Dadaşovu bıçaqla xəsarətlər yetirərək qəsdən öldürməsinə əsaslı şübhələr müəyyən olunub.
Faktla bağlı “qəsdən adam öldürmə” maddəsi ilə cinayət işi başlanıb. Səftər Bünyətov şübhəli şəxs qismində tutularaq istintaqa cəlb edilib.
İstintaq tədbirləri davam etdirilir.
