İnsan alverində təqsirləndirilən Zəminə Bədəlzadənin (adı, soyadı şərtidir) apellyasiya şikayətinə baxılıb.
Pravda.az-ın məlumatına görə, Sumqayıt Apellyasiya Məhkəməsində hakim Rəşadət Ağayevin sədrliyi ilə keçirilən prosesdə qərar elan olunub. Şikayət təmin edilməyib.
İttihama görə, 65 yaşlı Zəminə Bədəlzadə Bakı Ağır Cinayətlər Məhkəməsinin qanuni qüvvədə olan 25 noyabr 2020-ci il tarixli hökmü ilə məhkum olunmuş digər qadınla qabaqcadan əlbir olan bir qrup şəxs halında azərbaycanlı qadınları aldatma yolu ilə zəiflik vəziyyətindən sui-istifadə edib.
Həmçinin onlar hədə-qorxu məcbur etmə vasitəsindən istifadə etməklə cinsi istismar edilməsi məqsədilə Azərbaycan dövlət sərhədindən keçirilməsi üçün cəlb edib insan alveri üçün zərərçəkmiş şəxslərin pasportlarını götürüb saxlamaqla təkrarən tamah niyyəti ilə iki və daha artıq şəxs barəsində insan alveri, gabelə insan alveri məqsədilə sənədlərlə qanunsuz hərəkətlər cinayətlərini törədib. Təqsirləndirilən şəxslər qadınları Türkiyədə cinsi istismara məcbur qoyublar.
Sumqayıt Ağır Cinayətlər Məhkəməsinin hökmü ilə Zəminə Bədəlzadə 8 il müddətə azadlıqdan məhrum edilib.
