Sumqayıtda fərdi yaşayış evindən oğurluq edilib.
Sumqayit24.az-ın məlumatına görə, hadisə Yaşıl dərə yaşayış massivində, Kəngərli küçəsində qeydə alınıb. Naməlum şəxslər tərəfindən 120 kv.m sahəli evin daxilində və həyətindəki elektrik naqilləri, tavanlarda olan naqillər, divariçi elektrik yuvaları və əsas elektrik yuvası tamamilə sökülərək götürülüb.
Ümumilikdə 2000 metrdən çox elektrik naqili,100 metr nasos kabeli, 75 ədəd elektrik yuvası və 10 ədəd əsas elektrik yuvası oğurlanıb. Ev sahibinə dəyən ümumi ziyanın miqdarı 8500 manatdır. Hadisə ilə bağlı polisə məlumat verilib.
Daxili İşlər Nazirliyinin (DİN) Mətbuat Xidmətindən redaksiyamıza bildirilib ki, vətəndaşın şikayəti əsasında Sumqayıt Şəhər Polis İdarəsində zəruri əməliyyat-istintaq tədbirləri davam etdirilir.
