Sumqayıtdan olan taksiçi həbs olunub. Sumqayıt24 bu haqda 1 iyun tarixində News24.az-a istinadən xəbər verir.
31 yaşlı İsmayıl Həsənov “Bolt” sistemi üzrə taksi sürücüsüdür. O, bir müddət əvvəl Bakıda müştərisi, 15 yaşlı Mələklə (ad şərti) tanış olub və nömrəsini götürüb. Onlar yazışmağa başlayıb və gizli görüşüblər.
Yeniyetmə valideynləri evdə olmadıqda İsmayılla intim münasibətdə olub.
Qızın anası xəbər tutduqdan sonra onun adından İsmayılla yazışmağa başlayıb. Onlar arasında baş vermişləri dəqiqləşdirərək polisə şikayət edib.
İsmayıl Cinayət Məcəlləsinin 152.1-ci (16 yaşına çatmayan şəxslə cinsi əlaqədə olma) maddəsi ilə məsuliyyətə cəlb edilib. Xəzər rayon məhkəməsinin 27 may tarixli hökmü ilə o, 1 il müddətinə həbs olunub.
