Sumqayıtda "Xalça emalı mərkəzi" yaradılacaq.
Sumqayit24.az xəbər verir ki, mərkəz Sumqayıt Kimya Sənayesi Parkında yerləşəcək.
Belə ki, "Azərxalça ASC"ə məxsus xammal anbarı "Xalça emalı mərkəzi"nə çevriləcək.
Layihənin həyata keçirilməsi üçün ehtimal olunan məbləğ 2 milyon manat təşkil edir.
Layihə çərçivəsində binada bir sıra əsas tikinti və yenidənqurma işlərinin görülməsi nəzərdə tutulur.
Qeyd edək ki, yenidənqurma işləri başa çatdıqdan sonra obyekt xalça istehsalı və emalı üçün müasir mərkəz kimi fəaliyyət göstərəcək. Bu layihənin regionda istehsal potensialının və məşğulluğun artırılmasına töhfə verəcəyi gözlənilir.
