Bu gün sumqayıtlı şəhidimizin doğum günüdür.
Tərlan Rzayev 2001-ci il mayın 21-də Sumqayıt şəhərində anadan olub. Orta təhsilini Sumqayıt şəhərindəki 27 nömrəli orta məktəbdə alıb. Subay idi.
Azərbaycan Ordusunun əsgəri olan Tərlan Rzayev 2020-ci il sentyabrın 27-də başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Sentyabrın 27-də Füzuli döyüşləri zamanı şəhid olub. Sumqayıt şəhərinin Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Tərlan Rzayev ölümündən sonra "Vətən uğrunda", "Füzulinin azad olunmasına görə", 3-cü dərəcəli "Vətənə xidmətə görə" ordeni ilə təltif edilib.
