Bu gün Sumqayıtda doğulmuş şəhidimizin doğum günüdür.
Rəvan Əliyev 27 may 2001-ci ildə Sumqayıt şəhərində anadan olub. 2007-ci ildə Quba şəhər 3 saylı orta məktəbində təhsil almağa başlayıb. İkinci sinifdə oxuyanda musiqi məktəbinə qəbul olub və orada tar sinifini bitirib. Musiqi ilə bərabər futbolla da məşğul olub. Oradan fəxri fərmanlar alıb. 2016-cı ildə Bakı İdarəetmə və Texnologiya Kollecinə qəbul olub. Subay idi.
2019-cu ildə hərbi xidmətə başlayıb. Yevlax şəhərində yerləşən Dövlət Sərhəd Qoşunlarında xidmət edib. Vətən müharibəsi başlayanda könüllü olaraq döyüşlərə qatılıb.
Zəngilan uğrunda gedən döyüşlərdə Sərhəd Qoşunlarının ilk şəhidlərindən olub. Oktyabrın 23-də şəhid olub və 29 oktyabr 2020-ci ildə Quba Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Rəvan Əliyev ölümündən sonra "Vətən uğrunda", "İgidliyə görə", "Zəngilanın azad olunmasına görə" medalları ilə təltif edilib.
