Bu gün Azərbaycanın Milli Qəhrəmanı, əfsanəvi təyyarə kapitanı İqor İvanoviç Kşnyakinin anadan olmasından 64 il ötür.
1962-ci ildə Bakıda doğulan İqor Kşnyakin ömrünün 15.139 saatını səmada keçirib, minlərlə sərnişini mənzil başına təhlükəsiz çatdırıb.
2024-cü il dekabrın 25-də onun idarə etdiyi "Embraer 190" təyyarəsi Rusiya hava məkanında vurulsa da, kapitan və heyəti böyük rəşadət göstərərək 29 sərnişinin həyatını xilas edə biliblər.
Bu qəhrəmanlığına görə Prezidentin sərəncamı ilə ölümündən sonra "Azərbaycanın Milli Qəhrəmanı" adına layiq görülüb.
Vətən qəhrəman oğullarını unutmur. Ruhun şad olsun, cəsur kapitan!
