Bu gün Azərbaycan teatr və kino aktyoru Vaqif Əliyevin anadan olduğu gündür. Bu haqda 31 iyul tarixində Sumqayıt24 Mədəniyyət Nazirliyinə istinadən məlumat verir.
Vaqif Əliyev 1940-cı ildə Bakıda doğulub. O, 1958-ci ildə Azərbaycan Dövlət Dram Teatrında əmək fəaliyyətinə başlayıb, əvvəlcə kütləvi səhnələrdə, sonra epizodik rollarda səhnəyə çıxıb.
1962-ci ildə M.Ə.Əliyev adına Teatr İnstitutuna daxil olub. 1968-ci ildə təyinatla Sumqayıt Dövlət Dram Teatrına göndərilən Vaqif Əliyev 33 il burada fasiləsiz aktyor kimi çalışaraq, 100-dən artıq tamaşada müxtəlif obrazlar yaradıb.
1990-cı ildə sənətkara "Əməkdar artist" fəxri adı verilib. 2000-ci ildə Bakı Bələdiyyə Teatrında çalışıb. Filmlərə çəkilib. Vaqif Əliyev "Azərbaycan Respublikasının Xalq artisti" fəxri adına layiq görülüb.
Xalq artisti Vaqif Əliyev 2021-ci ildə vəfat edib.
