Sumqayıtda yaşıllıq təhlükə altındadır.
Yerli sakinlərin Sumqayıt24-ə verdiyi məlumata görə, “Mahal” MTK tərəfindən 4-cü məhəllədə söküntü işləri aparılır. Köhnə yaşayış evləri söküldükdən sonra yerində çoxmərtəbəli binaların tikintisi planlaşdırılır. Lakin görülən işlər zamanı ərazidəki yaşıllığa, 30-40 illik irigövdəli ağaclara zərər vurulur.
“Ekskavtorla ağacların dibini oyurlar ki, ağaclar tab gətirməyib aşsın. Fövqəladə Hallar Nazirliyinə müraciət eləmişik, deyirlər cavab gələcək. Ekologiya və Təbii Sərvətlər Nazirliyinə bildirmişik, amma heç bir cavab verilmir. Aidiyyəti qurumlardan xahiş edirik ki, məsələni araşdırıb, ağacların məhvinin qarşısını alsınlar”, - deyə şikayətçilər bildiriblər.
