Sumqayıt Dövlət Universiteti (SDU) və Lənkəran–Astara Regional Təhsil İdarəsinin birgə təşkilatçılığı ilə abituriyentlər üçün məlumatlandırma sessiyaları keçirilib. Bu haqda 3 avqust tarixində Sumqayıt24 xəbər verir.
Tədbirlər Masallı və Lənkəran rayonlarında təşkil olunub. Burada SDU-nun əməkdaşları, regional təhsil idarəsinin müdir müavini Rəhim Rəhimov, məktəb direktorları, müəllimlər, abituriyentlər və valideynlər iştirak ediblər.
Sessiyaların açılışı SDU-nun tanıtım videoçarxı ilə başlanıb. Çıxışçılar təqdimatlarla universitetin ixtisasları, tədris proqramları, təhsil haqqı, güzəştlər, təqaüd proqramları, maddi-texniki bazası barədə geniş məlumatlar veriblər.
İştirakçılara SDU-nun tanıtım bukletləri və jurnalları təqdim edilib.
