“Atabəylər” serialının çəkilişləri başlayıb.
Sumqayıt24 İnsanoid.com-a istinadən xəbər verir ki, televiziya layihəsi Azərbaycanın orta əsr dövründəki Atabəylər dövlətinə həsr olunub.
Serialda Atabəylər sülaləsinin yüksəlişi, hakimiyyət uğrunda mübarizəsi, intriqalar və qəhrəmanlıq dastanlarından danışılacaq.
Ssenari tarixi mənbələrə və əfsanələrə əsaslanaraq peşəkar yazıçı və tarixçilər tərəfindən hazırlanıb. Çəkilişlər müxtəlif tarixi məkanlarda, o cümlədən qədim abidələrdə və təbii gözəllikləri ilə tanınan bölgələrdə aparılır.
“Azərbaycan Atabəyləri”i filminin baş rollarını dünya şöhrətli idmançı Zabit Səmədov və Xalq artisti Mehriban Zəki canlandıracaqlar. İlk bölümlərin yaxın aylarda yayımlanacağı gözlənilir.
Qeyd: Zabit Səmədova baş rolun verilməsi təsadüfi deyil. İdmançı Türkiyənin “Quruluş Osman” serialında “azərbaycanlı Gəncə bəy” kimi çəkilib. Buna əsaslanaraq demək olar ki, Zabitin tarixi personajların canlandırılmasında müəyyən təcrübəsi var.
