Azərbaycanda Vergi Məcəlləsinə ediləcək dəyişikliklər çərçivəsində bəzi cərimələrin artırılması nəzərdə tutulur.
Fed.az-ın məlumatına görə, biznes və maliyyə xəbərləri portalının məlumatına görə, bundan sonra vergi orqanlarında uçota alınmaq üçün müraciəti ləngidən şəxslərin cəriməsi 5 dəfə artırılacaq.
Bununla bağlı Vergi Məcəlləsinin 58.2-ci maddəsinə dəyişiklik ediləcək. Yeniliyə əsasən, indiyədək vergi orqanında uçota alınmaq üçün göstərilən müddətdə ərizə verməyən şəxslərə tətbiq edilən 40 manatlıq cərimə 200 manata qaldırılır.
Məlumat üçün bildirək ki, Azərbaycanda vergi uçotuna alınmaq üçün ərazilərin verilməsi müddəti məcəllənin 33.4-cü maddəsi ilə tənzimlənir. Həmin maddəyə əsasən vergi orqanlarında uçota alınmaq üçün vergi ödəyiciləri tərəfindən onların olduğu və ya yaşadığı yer üzrə vergi orqanına ərizə verilir. Vergi orqanına ərizə qeyri-kommersiya hüquqi şəxsin dövlət qeydiyyatına alındığı gündən, Azərbaycan Respublikasında filial və nümayəndəlik vasitəsi ilə sahibkarlıq fəaliyyəti həyata keçirildikdə isə - filialın və ya nümayəndəliyin yaradılmasından sonra 30 gün müddətində verilməlidir.
