Saray qəsəbəsində məktəblilər yol hərəkəti təhlükəsizliyi ilə bağlı maarifləndirici aksiya keçiriblər.
Sumqayit24.az xəbər verir ki, tədbir "Gələcək yolda gedir, sən dayan!" şüarı altında baş tutub. Məqsəd sürücüləri diqqətli və məsuliyyətli olmağa çağırmaq, uşaqların təhlükəsizliyinə diqqət yönəltmək olub.
Xatırladaq ki, iki gün öncə Saray qəsəbəsində, general Məhəmməd Əsədov küçəsində yolu keçən iki azyaşlı avtomobil tərəfindən vurulub. Nəticədə uşaqlardan biri həyatını itirib.
Aksiya iştirakçıları sürücüləri daha ayıq-sayıq olmağa, xüsusən piyada keçidlərinə yaxınlaşarkən ehtiyatlı davranmağa çağırıblar.
