Belarusun BATE (Borisov) klubu UEFA Konfrans Liqasındakı ev oyunlarını Sumqayıtda keçirəcək.
Sumqayit24.az xəbər verir ki, Borisov təmsilçisi rəqiblərini Mehdi Hüseynzadə adına şəhər stadionunda qəbul edəcək. BATE avrokuboklardakı mübarizəsinə turnirin birinci təsnifat mərhələsindən başlayacaq. Bu mərhələnin püşkatma mərasimi iyunun 16-da keçiriləcək, ilk oyunlar isə iyulun 9-u və 16-sı tarixlərində baş tutacaq.
Qeyd edək ki, Ukraynadakı müharibə səbəbindən UEFA Belarus klublarının öz ev oyunlarını yerli stadionlarda keçirməsini qadağan edib. Bu səbəbdən ölkə təmsilçiləri beynəlxalq matçları neytral meydanlarda keçirmək məcburiyyətindədirlər.
