Emil Rasif oğlu Abduləzimli 6 dekabr 1994-cü ildə Sumqayıt şəhərində anadan olub. O, 2001-ci ildə 1 saylı Sumqayıt şəhər orta məktəbinin 1-ci sinfinə daxil olub. 2002-2012-ci illərdə Masazır qəsəbəsi 2 saylı tam orta məktəbində təhsil alıb. 2016-cı ildə Azərbaycan Kooperasiya Universitetini yüksək nailiyyətlərlə bitirib.
2020-ci il sentyabrın 27-də başlanan Vətən müharibəsinə könüllü yollanan Emil heç vaxt görmədiyi doğma yurdu Zəngilan rayonunu işğaldan azad etmək üçün mənfur düşmənə qarşı qəhrəmancasına döyüşüb. Füzuli, Şuşa və Hadrut istiqamətində gedən döyüşlərdə böyük şücaət göstərib. Qəhrəmanımız oktyabrın 19-u şəhadət zirvəsinə ucalıb, şəhadətindən bir gün sonra isə Zəngilan rayonunu işğaldan azad olunub.
Ölümündən sonra "Cəbrayılın azad olunmasına görə" və “Vətən uğrunda” medalları ilə təltif edilib.
