Bu gün Vətən müharibəsi şəhidi Tərlan Məmmədovun anım günüdür.
Tərlan Müşviq oğlu Məmmədov 1996-cı il avqustun 31-də Sumqayıt şəhərində anadan olub. 2003-cü ildə H.Z. Tağıyev qəsəbəsində 19 saylı məktəbdə 9 il təhsil alıb. 2013-cü ildən isə Ceyranbatan qəsəbəsindəki 147 saylı peşə məktəbində avtoçilingər peşəsinə yiyələnməklə təhsilini davam etdirib.
2015 - 2017 illər aralığında əvvəlcə Gəncədə, sonra isə Gədəbəydə xidmətdə olub.
2020-ci il sentyabrın 21-i könüllü olaraq ordu sıralarına qatılıb. Sentyabrın 27-si artıq Füzuli istiqamətində gedən döyüşlərdə iştirak edib. Səngərdə boynundan qəlpə yaraları alaraq oktyabrın 8-i qəhrəmancasına şəhid olub. Məmmədov Saray qəsəbəsində Şəhidlər Xiyabanında dəfn olunub.
Ölümündən sonra "Vətən uğrunda" və " Füzulinin azad olunmasına görə” medalları ilə təltif edilib.
