Sumqayıt şəhərinin Corat bağları ərazisində məişət problemi yaranıb.
Sumqayit24.az-a müraciət edən sakinlər bildirirlər ki, Göygöl küçəsində yaşayan naməlum şəxs mütəmadi olaraq öz evindən gətirdiyi zibili qonşuların hasarının kənarına, qapısının önünə qoyaraq ərazidən uzaqlaşır.
Nəticədə sahibsiz itlər zibil torbalarını eşərək küçəyə yayır, xoşagəlməz mənzərə və üfunət yaranır:
"Zibili gətirib başqasının divarının dibinə atır və qaçır. Öz həyətimizi hər gün təmizləmək məcburiyyətində qalırıq", – deyə insanlar narazılıqlarını bildiriblər.
