Sumqayıtda Milli Məclisə növbədənkənar seçkilərlə əlaqədar seçicilərlə görüş keçirilib. Bu haqda 16 avqust tarixində Sumqayıt24 xəbər verir.
Yeni Azərbaycan Partiyasının (YAP) 43 saylı Sumqayıt ikinci seçki dairəsindən deputatlığa namizəd Tahir Mirkişili və YAP-ın 42 saylı Sumqayıt birinci seçki dairəsindən deputatlığa namizədliyi irəli sürülmüş Hicran Hüseynova sakinlərlə görüşüblər.
Tahir Mirkişili şəhərin ağsaqqal və ahıllarının, Hicran Hüseynova isə 1-ci və 2-ci mikrorayon seçicilərinin müraciət və təkliflərini dinləyiblər.
Daha öncə deputatlığa namizəd Elnarə Akimovanın H.Z. Tağıyev qəsəbəsində təşkil etdiyi yığıncaqla bağlı məlumat vermişdik.
