Bu gün Vətən müharibəsi şəhidi Eldar Abdullayevin doğum günüdür.
Eldar Firuddin oğlu Abdullayev 1982-ci ildə Sumqayıt şəhərində anadan olub.
Azərbaycan Ordusunun baş giziri olan hərbi tibb qulluqçusu Eldar Vətən müharibəsi zamanı Füzulinin, Hadrutun və Zəngilanın azadlığı uğrunda gedən döyüşlərdə yaralı hərbçilərə döyüş meydanında tibbi yardım göstərib. O, oktyabrın 18-də, Zəngilan döyüşləri zamanı qəhrəmancasına şəhid olub. Sumqayıt şəhərinin Şəhidlər Xiyabanında dəfn olunub.
Ailəli idi, Aysu və Asya adında, həmçinin 2021-ci il fevralın 2-də dünyaya gələn Ahu adında üç qızı Vətənə əmanətdir.
Ölümündən sonra “Vətən uğrunda” və “Xocavəndin azad olunmasına görə” medalları ilə təltif edilib.
