Baş Dövlət Yol Polis İdarəsi nənə və nəvənin öldüyü qəza ilə bağlı məlumat yayıb. Sumqayıt24 bu haqda 22 iyul tarixində xəbər verir.
Bildirilib ki, sözügedən hadisə bir daha deməyə əsas verir ki, sürücülərin istirahət etmədən yuxusuz halda sükan arxasına əyləşməsi özləri, doğmaları, eləcə də digər hərəkət iştirakçılarının həyat və sağlamlığı üçün hər zaman ciddi təhdiddir.
Baş Dövlət Yol Polisi İdarəsi sürücülərə müraciət edərək, onları yorğun, yuxusuz halda sükan arxasına əyləşməməyə, uzaq məsafə qət edərkən 2-3 saatlıq fasiləsiz hərəkətdən sonra dayanaraq qısa müddətə istirahət etməyə, bunun üçün DYP-nin stasionar postlarında yaradılmış şəraitdən yararlanmağa çağırır.
