“Hamı “Mercedes” olmaq istəyir amma “Zaporojets” kimi fikirləşir. Əgər sənin səsin varsa bu hələ o demək deyil ki, sənin hər şeyin var. Bir az da baş işlətmək lazımdır”.
Olay.az-ın məlumatına görə, bu sözləri Əməkdar artist Ədalət Şükürov qonaq olduğu “İncə səhər” verilişində danışıb.
Sənətçi bildirib ki, bir çox müğənninin gözəl səsi olsa da, bu işdən yaxşı pul qazanmaq bacarığı yoxdur:
“Əgər gözəl səsin varsa və sən başını da gözəl işlədirsənsə bu tandemdə sən irəli gedə biləcəksən. Bizim gözəl müğənnilərimiz var amma marketinq sahəsində zəifdirlər. Əgər gözəl səsin varsa və marketinqdən anlayışın yoxdursa kənardan bu sahəni biləni dəvət edirsən və o sənə kömək edir. Beləcə, sən səsinlə pul qazanırsan. Biz hər bir sənətlə pul qazanmaq üçün məşğuluq. Əgər mən gözəl qarmon ifaçısıyamsa və bu musiqi ələtində ifam mənə pul gətirmirsə, o zaman gedib misal üçün, çəkməçiliklə məşğul olacağam ki, mənə bu iş daha çox pul gətirsin”.
