Sumqayıtda “İctimai və sosial bəla: narkomaniya!” adlı tədbir keçirilib. Bu haqda 31 iyul tarixində Sumqayıt24 Qeyri-Hökumət Təşkilatlarına Dövlət Dəstəyi Agentliyinə istinadən məlumat verir.
Tədbir zamanı ekspertlər tərəfindən məlumatlandırma aparılıb, narkomaniya ilə mübarizə istiqamətində təkliflər səslənib, suallar cavablandırılıb. Layihə rəhbəri Telman Məmmədov bildirib ki, layihənin məqsədi həyati proseslərə qarşı laqeydlik yaradan, yaddaş və təfəkkürü pozan, “ağ ölüm” hesab edilən narkomaniya ilə mübarizə istiqamətində cəmiyyəti maarifləndirməkdir.
Sonda İctimai Birlik tərəfindən hazırlanan sosial çarx izlənib.
